Иако не е „најубавото време од годината“ за секого, но летото навистина го менува мозокот, телото и душата – и тоа на подобро.
Сонцето како природен антидепресив
Нема подобар начин да се разбудите од кога сончевите зраци ќе пробијат низ ролетните. Науката вели – тоа не е случајност! Сончевата светлина го стимулира производството на серотонин, хормонот на среќата, и го регулира мелатонинот, хормонот на спиењето.
Имено, овие две моќни супстанции влијаат на подобра концентрација, подобар квалитет на спиење и секако – позитивно расположение.
Витамин Д – „витаминот на сонцето“ за ментална рамнотежа
Летото не само што ни дава бронзен тен на кожата, туку и витамин Д, кој директно промовира добра рамнотежа на хормоните и ја зачувува функцијата на мозокот. Покрај подобрувањето на меморијата и фокусот, овој витамин игра важна улога и во менталното здравје.
Корисната моќ на водата
Постои причина зошто сите сонуваме за плажа – близината на вода го намалува стресот и го зголемува чувството на мир. Истражувањата во Велика Британија покажаа дека луѓето се најсреќни во „сините зони“ – покрај море, реки или езера.
Затоа не е ни чудо што сурферите се секогаш толку опуштени – тие буквално лебдат во својата терапија.
Враќање кон природата
Летото нè носи надвор – без разлика дали е шума, плажа или градски парк, докажано е дека поминувањето време во природа ја намалува анксиозноста и го подобрува расположението. И таа врска со природата не мора да престане кога ќе заврши август – продолжете со таа навика во текот на целата есен!
Имено, квалитетните врски со луѓето околу нас нè штитат подобро од кој било додаток.