Јонас Валанчунас останува во НБА лигата и ќе го носи дресот на Денвер Нагетс следната сезона, потврди новинарот Шемс Чаранија.
Деновиве се шпекулираше дека Литванецот е пред „кам-бек“ во Европа и ќе потпише со Панатинаикос, но управата на Денвер не му дозволила да замине, со надеж дека може да биде повеќе од солидно пополнување на тимскиот ростер.
Валанчунас дури и бил во Атина на медицински прегледи, но и покрај богатата понуда од ПАО, американскиот клуб решил да го повика назад.