Фудбалската репрезентација на Казахстан ја одржа стандардната прес конференција пред мечот со Македонија во Астана. Селекторот Али Алијев ги сподели импресиите од нашиот национален тим за кого имаше пофални зборови.
„Македонија има добар тим, со квалитетни поединци како што се Елиф Елмас, Енис Барди и други фудбалери. Пред нас играа против Белгија и покажаа карактер. Губеа, но не се откажаа и на крајот постигнаа гол за нерешено. Покажаа дека имаат силен тим, со квалитетни играчи, но секако и ние имаме свои адути. Верувам дека можеме да направиме добар резултат“, изјави Алијев.