Актерката Рене Зелвегер неодамна откри зошто не се занимавала со глума од 2010 до 2016 година.
Во новото интервју за британскиот Вог, ѕвездата од „Дневникот на Бриџит Џонс“ разговараше со колегата Хју Грант.
-Ми се згади од звукот на сопствениот глас. Додека работев, реков: „О Боже, слушај се себеси. Дали си повторно тажна, Рене? О, дали е ова твојот луд глас“, изјави 55-годишната актерка.
Сепак, Зелвегер не мируваше во тоа време, туку напротив најде нови хоби и интереси.
-Создавав музика и студирав меѓународно право. Изградив куќа, спасив неколку постари кучиња, формирав партнерство што доведе до отворање компанија, се залагав и собрав средства за болен пријател и поминав многу време со моето семејство и кум, а јас исто така патував низ целата земја, изјави таа.
Таа решително ја паузираше својата актерска кариера во 2010 година по снимањето на филмот „Моја сопствена љубовна песна“. Се врати во индустријата дури во 2016 година, кога ја повтори улогата на Бриџит Џонс за третиот дел од култниот филм.
Оскаровката додаде дека една од најголемите придобивки од нејзината пауза е тоа што можела некое време да живее надвор од „рефлекторите“.