Ол-Стар викендот оваа година ќе се одржи помеѓу 14 и 16 февруари во Сан Франциско.
НБА воведува мини-турнир на кој ќе учествуваат четири екипи, кои меѓусебно ќе одиграат полуфинале во кое пласман во финалниот меч ќе обезбедат тимовите што први ќе стигнат до 40 поени.
Ова значи дека вкупно ќе гледаме три натпревари, а тоа сигурно ќе ја зголеми возбудата за навивачите кои секогаш со нетрпение го очекуваат најпопуларниот кошаркарски викенд. Минатата година беше вратен форматот со две екипи од источната и западната конференција, односно капитените не ги бираа своите соиграчи, а тоа ќе се случи и овој пат.
Според новата програма, вкупно 24 играчи ќе бидат распоредени во три екипи, додека четвртата ќе биде составена од младите и перспективни таленти. Првите петорки ги бираат навивачите (50% од гласовите), играчите (25%) и медиумската комисија, на која исто така ѝ следуваат 25 проценти.
Резервните играчи ќе ги одредат тренерите од НБА лигата, а гласањето за тимовите ќе започне следната недела. Минатата година Ол-Стар натпреварот заврши во корист на источната конференција, која славеше со резултат 211-186.