Јапонската актерка Михо Накајама (54) е пронајдена мртва во када.
Безживотното тело на актерката е пронајдено во нејзиниот дом во токискиот кварт Шибуја, според полициските извештаи, а јави јапонската национална телевизија.
Полицијата била повикана во нејзиниот дом и потврдила дека актерката починала во када, а деталите за случајот сега се истражуваат.
Актерката беше најпозната по нејзината улога во филмот „Love Letter“ од 1995 година, а беше успешна како пејачка за време на најславниот период во 1980-тите и 1990-тите.
Михо требаше да настапи на божиќен настан во Осака, но настапот беше откажан пред да биде објавена веста за нејзината смрт, наведувајќи ја како причина лошата здравствена состојба.