Претседателот на САД Џо Бајден синоќа објави опширно помилување за својот син Хантер за сторени кривични дела од 2014 до 2024 година. Со ова тој предизвика лавина од реакции меѓу републиканците и сопартијците демократи. Бајден во неколку наврати годинав ана прашања од новинари потврди дека нема да посегнува по помилување за својот син.
Помилувањето денеска го потврди и самиот и Хантер Бајден.
-Џозеф Р. Бајден помладиот ми даде целосно и безусловно помилување за, меѓу другото, делата наведени во обвинението во овој случај, изјави тој.
-На 1 декември формално ја примив и прифатив претседателската одлука за помилување. Изјавувам (или потврдувам, верификувам или наведувам) под казна за лажно сведочење според законите на Соединетите Американски Држави дека горенаведеното е вистинито и точно.“
Претседателот Бајден во неделата објави дека го помилувал својот син, кој чекаше изрекување на казната по осудите за затајување даноци и поседување оружје додека бил под влијание на дроги.
-Повеќе мои политички опоненти во Конгресот притискаа за овие случаи само поради мене. Секој здраворазумен човек гледа дека овие кривични прогони беа мотивирани чисто од политички причини, изјави претседателот на САД.
Покрај потпишувањето на изјавата за помилување, адвокатите на Хантер Бајден во неделата вечер поднесоа правни документи во двата случаи – за оружјето и даноците – информирајќи ги судиите дека помилувањето „бара отфрлање на обвинението против него со конечна одлука и прекин на сите идни постапки поврзани со овој случај,“ соопшти „Њусвик“.
Според весникот, федералниот суд во Делавер веќе го прифатил писмото на Хантер Бајден како доказ и најверојатно неделава ќе го затвори случајот за оружјето.
Хантер Бајден требаше да биде осуден на 12 декември за овој случај, а на 16 декември за случајот со затајување даноци во Калифорнија.
Помилувањето е опширно и не само што го ослободува Хантер Бајден од овие обвиненија, туку го заштитува и од сите потенцијални федерални кривични дела што можеби ги сторил „од 1 јануари 2014 година до 1 декември 2024 година.“
Во тој период, тој беше член на одборот на украинската гасна компанија „Бурисма“ и работеше со компании од Кина и други земји. Тој беше критикуван од републиканците дека заработувал нечесно под закрилата и политилкит еврски на Бајден во Украина, кој до 2017 година беше потпретседател на САД.
Постапката на Бајден остро ја искритуикуваа републиканците. Трамп изјави дека „помилувањето треба да ги вклучи и „заложниците од 6 јануари кои се во затвор со години“.
Директорот за комуниакции на Трамп, Стивен Чеунг, изјави дека „неуспешниот лов на вештерки против претседателот Трамп докажа дека од демократите контролираното Министерство за правда и други обвинители се виновни за користење на правниот систем како оружје“.
Демократски првенци од Конгресот реагираат воздржано или се дистанцираат од одлуката на Бајден, која се очекува да донесе значајна политичка штета во нивните редови посебо по доаѓањето на Трамп во Белата куќа на 20 јануари.
Бајден во јуни во две интервјуа потврди дека ќе прифати секаква одлука на порота од судењата против неговиот син и дека нема да го помилува. Минатиот месец тоа го потврдија и во Белата куќа.