Но, други во такви врски избираат да останат или нивната следна врска најчесто е многу слична.
Кога станува збор за љубовните врски, некои хороскопски знаци имаат поголема среќа од другите.
Но, некои од нив сепак малку се саботираат и остануваат во токсични и лоши врски, иако знаат дека тоа не им носи апсолутно ништо добро.
Ако се прашувате кои се овие знаци и дали можеби сте (свесно или несвесно) во таа група, продолжете да читате.
БИК
Кога станува збор за љубовта, Бикот најмногу ја цени стабилноста и сака да биде во „безбедна зона“. Откако ќе влезе во врска, ќе направи сè за да остане во таа врска. Иако е многу реален и ќе забележи многу „црвени знамиња“ доколку се појават во врската, Бикот најчесто трпеливо ќе чека работите да се сменат и да се подобрат. Нема да се осмели сам да почне да менува нешто бидејќи се плаши дека тоа ќе му ја разниша стабилноста во врската.
Дури и да направите нешто што ќе му наштети, Бикот ќе ви простува одново и одново само за да не си го „наруши“ секојдневието.
РАК
Ракот е многу драг и романтичен знак и истото однесување го очекува и од партнерот. Но, премногу романтика и внимание никогаш не е добро и често гравитира кон посесивност, а Ракот, за жал, може да го прифати токму таквото однесување како „нормално“ и таквиот партнер да го опише како некој што го чекал цел живот.
Дури и да забележи дека нешто не е во ред со таквото однесување, Ракот тоа ќе го припише на мали маани и компромиси на кои наидува секоја врска и кои едноставно треба да се прифатат.
СТРЕЛЕЦ
Стрелецот е еден од најискрените хороскопски знаци и неговата комуникација е многу директна. Токму поради ова, Стрелецот ќе остане многу збунет доколку некој не е искрен со него. Најчесто ќе ги игнорира сите „црвени знамиња“ и ќе верува на секој збор што ќе го каже неговиот партнер додека ситуацијата не почне да излегува од контрола.