Кошаркарите на белградска Црвена ѕвезда со 84:86 се поразени во натпреварот од шестото коло во Евролигата по невидената драма против Жалгирис. По третиот пораз во низа во Евролигата, Звезда е на 3-3, додека Жалгирис сега има 5-1.
Средбата во Каунас ја одбележаа неверојатниот пресврт на гостите и забелешките на доста контроверзните судиски одлуки во последната четвртина, кои одеа во позла на домашниот тим.
Мекинтајр го започна натпреварот со пет поени. Ѕвезда водеше со 8:2, но Жалгирис израмни со две брзи „тројки“ на Гедраитис и Манек и практично водеше до крајот на натпреварот.
Довидас Гедраитис погоди шут во последната секунда од првата четвртина, па тимот од Каунас имаше шест поени предност. Ѕвезда одлично ја започна втората делница со четири брзи поени, но од тој момент Жалгирис го водеше темпото и на полувремето замина со 12 поени предност.
Избраниците на Јанис Сферопулос стигнаа до еден посед на почетокот на четвртата четвртина, а потоа следеше драма. Неколку секунди пред крајот Коди Милер Мекинтајр постигна „тројка“ за израмнување, но тоа не беше доволно за вкупен пресврт на Ѕвезда, која во еден момент губеше со 14 разлика. Брајан Данстон погоди шут од рекетот во последната секунда и со тоа му донесе победа на литванскиот тим.
Мекинтајр и Урош Плавшиќ постигнаа по 16 поени за Ѕвезда, а Немања Недовиќ 15. Кај домашните најефикасен беше Деивидас Сервидис со 17 поени, Силвјан Франциско 15, а Ален Смаилагиќ додаде 14 поени.
И вториот белградски претставник Партизан забележа пораз во рамките од седмото коло, и тоа во самата завршница од Монако со 74:79 во салата „Пионир“. Партизан сега има две победи и четири порази.
По првиот, многу ефикасен дел, Монако поведе со 23:21. Избраниците на Саша Обрадовиќ доминираа во вториот дел и на полувремето водеа со 46:33, со неколку дискутабилни судиски одлуки на штета на Партизан, што ги вознемири домашните играчи.
Понесен од феноменалната поддршка од трибините на белградски „Пионир“, Партизан дури успеа да направи пресврт и да поведе со 54:53, но Монако сепак влезе во последната делница со плус пет (61:56) откако „црно-белите“ двапат на свој напад ја губеа топката.
Во последните две минути резултатот беше 70:70 по серијата на Партизан од 8:0. Џејмс му донесе водство на Монако од 75:72 на 22 секунди до крајот, но го промаши дополнителното фрлање. Лундберг реализираше едно од двете слободни фрлања, Монако ја освои топката и тимот на Жељко Обрадовиќ доживеа втор последователен пораз на домашен терен.
Кај Партизан Карлик Џонс и Ифе Лундберг постигнаа по 15 поени, а Исак Бонга имаше 11 поени, 10 скока и три асистенции. Френк Ниликина поради болест не играше за Партизан, а за првпат во Евролигата минутажа добија Двејн Вашингтон и Исаја Мајк, но не дадоа позначаен придонес.
Во следното коло, веќе во петок, Партизан гостува кај Фенербахче, а истиот ден Монако му гостува на Жалгирис.