Ракометната федерација на Македонија ги извести љубителите на ракометот дека веќе се пуштени во продажба билетите за првиот натпревар на нашите најдобри ракометари во рамки од квалификациите за Европското првенство во 2026 година.
В среда, на шести ноември во салата „Борис Трајковски“ ќе гостува селекцијата на Естонија, а продажбата на влезници за натпреварот започнува денес на 30.10.2024 година (среда) во 12:00 часот online на интернет-страницата на МК Тикетс (https://mktickets.mk ).
Исто така, влезници можат да се купат и на сите продажни места на МК Тикетс низ државата. Продажната цена на влезниците за натпреварот е 200 и 300 денари.
Покрај Естонија во групата 1 противници на Македонија ќе бидат уште селекциите на Словенија и Литванија. Првите две селекции патуваат директно на континенталниот собир, како и четири најдобро третопласирани.