Македонската боксерска репрезентација во Будва, Црна Гора ќе настапи на претстојното Светското првенство за млади боксери. Во составот на нашата репрезентација се најдоа 9 боксери и тројца тренери.
Боите на Македонија во Црна Гора ќе ги бранат: 50 кг Бајарам Мамутовски, 54 кг Меридиан Алими, 57 кг Ардијан Рустемовски, 60 кг Луан Сулејмани, 67 кг Лука Трифуновиќ, 72 кг Наум Стојановски, 75 кг Баки Ајети, 86/ 80 кг Ери Хани и 92/ 86 кг Лиси Коџаџику.
Националниот тим ќе го предводат тројца тренери Владимир Цекиќ, Самет Салиевски и Насер Харуни.