Бројот на убиените во нападот на вооружената банда Гран Гриф во градот Понт-Сонде на Хаити се искачи на 50.
Претходно денеска беше објавено дека во нападот биле убиени околу 20 луѓе, меѓу кои и деца, но активистите и владините претставници постепено почнаа да откриваат повеќе луѓе кои биле убиени.
За нападот е обвинета бандата Гран Гриф, која дејствува во централниот регион на Понт-Сонде, Артибонит и се смета за една од најбруталните банди на Хаити.
Мотивот за овој напад се уште е нејасен. (МИА)