Заменик министерката за европски прашања, Викторија Трајков во наредните денови ќе биде дел од Светскиот Економски Форум кој ќе се одржи во Карпач, Полска.
Форумот е организиран од Фондацијата Институт за источни студии и е најголемата конференција во Централна и Источна Европа.
Овој форум, повеќе од 30 години привлекува политички, економски и социјални лидери од целиот свет.
Уникатниот формат на настанот го поттикнува развојот на соработката меѓу ЕУ Земјите-членки и нивните соседи. На Форумот се носат важни декларации секоја година, поради што дебатите се следат со најголем интерес од медиумите ширум светот, а нивните одгласи одекнуваат во експертските и политичките кругови долго по завршување на Форумот.
Овогодинешното 33-то издание на Економскиот форум ќе се одржи од 3 до 5 септември 2024 година во Карпач под темата: „Време на нови лидери – Заедничко обликување на иднината“.
Заменик министерката Трајков ќе зборува на тема „Интеграција на државите од Западен Балкан – значење и форми на соработка“.