Едно лице го преживеа падот на авионот што се урна кратко по полетувањето за Лондон од индискиот аеродром Ахмедабад, изјави комесарот на градската полиција.
Тој за новинската агенција АНИ изјави дека преживеаниот патник од седиштето 11А е однесен во болница и е на лекување, објави Би-Би-Си.
Според списокот на патници што претходно го објавија властите, Вишваш Кумар Рамеш, британски државјанин, бил на седиштето 11А.
Индиските медиуми објавија дека разговарале со него во болницата, тој им ја покажал картата за качување со своето име и локација на седиштето. Според индиските медиуми, тој рекол дека триесет секунди по полетувањето слушнал гласен шум, а потоа авионот се урнал.
„Сè се случило толку брзо“, рекол тој според индиските медиуми, објави Би-Би-Си.
Индиски патнички авион што летал кон аеродромот Гетвик во Лондон со 242 лица се урна кратко по полетувањето од Ахмедабад во западна Индија.
17/
A 38-year-old, who was seated on 11A, is now reportedly the lone survivor of the Air India plane crash. The person has been identified as Ramesh Viswashkumar. According to reports, he jumped out of the emergency exit. #planecrash pic.twitter.com/GWE3h7loqw— GeoTechWar (@geotechwar) June 12, 2025