Кинеската царина забрани директен и индиректен увоз на преживари и сродни производи од Полска и Хрватска поради болеста син јазик, објави Генералната управа на царината на својата веб-страница.
Според хрватски медиуми, тој потег е преземен откако Полска и Хрватска пријавија случаи откриени во една полска провинција и две хрватски окрузи до Светската организација за здравје на животните.
Синиот јазик е вирусна болест што ги погодува овците, говедата, козите и другите преживари, а се шири со каснување од заразени комарци. Болеста не е опасна за луѓето.
Хрватски медиуми објавија дека болеста син јазик се појавила во октомври минатата година во Холандија, а во меѓувреме се прошири и во Белгија, Германија и Чешка.
Во Европа циркулира нова варијанта на вирусот БТВ3.