Папата Франциск почина во понеделник откако доживеа мозочен удар што доведе до кома и срцев удар. Веста за неговата смрт предизвика лавина од реакции на социјалните мрежи, а меѓу нив, особено се издвои едена емотивна објава од еден корисник кој сподели лична анегдота.
Tој и неговата сопруга, како шега, испратиле покана до папата Франциск пред нивната венчавка и – добиле одговор.
-Сопругата и јас му испративме покана за нашата свадба на папата Франциск како на шега додека сè уште бевме верени, и еве го одговорот што го добивме од Ватикан, напиша тој на социјалните мрежи.
Тој прикачи фотографија од официјалното писмо заедно со текстот.
-Неговата Светост, Папата Франциск, го прими вашето љубезно писмо и ме замоли да ви се заблагодарам. Неговата Светост ќе се моли за вас и вашиот вереник по повод вашата радосна венчавка. Тој ве повикува на изобилството на Божјите благослови, стоело во одговорот на Државниот секретаријат на Ватикан.