Осумдесет средношколци од цела држава изминатиот викенд во Струга го искажале својот став преку музички перформанси, поезија, политички говор, изложба на илустрации и графити. Илустрациите од изложбата беа продавани, а собраните средства ќе бидат донирани за настраданите во Кочани, соопшти денеска Фондацијата Фридрих Еберт.
Настанот, како што е наведено, е дел од проектот „Уметноста има став“, што го организира Фондацијата Фридрих Еберт – канцеларија Скопје, во соработка со Центарот за едукација и уметност „Хана“. Според нив, уметноста покрај тоа што има став, има и срце, преку чин на солидарност и емпатија.
– Преку програмата „Уметноста има став“, средношколците не само што добија вештини, тие добија и простор да се изразат, да се слушнат и да остават трага. Гласот на младите има вредност, а преку уметноста ќе покажеме дека можеме да влијаееме и да креираме промена, затоа што имаме генерации кои размислуваат критички, делуваат храбро и создаваат со срце, посочува Фондацијата Фридрих Еберт.