ЗОШТО ОПОЗИЦИЈАТА НЕ ЈА ПОДДРЖА ПОСЕТАТА НА МАКЕДОНСКАТА ДЕЛЕГАЦИЈА НА САД НА ИНАГУРАЦИЈАТА НА ДОНАЛД ТРАМП?
• Оваа делегација на чело со премиерот Мицковски за време на оваа посета ја претставуваше Република Македонија и нејзините граѓани.
• Македонската делегација беше една од ретките европски делегации кои присуствуваа на инагурацијата без разлика на тоа како е обезбедена и добиена поканата за присуство.
• Поддршката од страна на СДСМ ќе беше убава можност таа да покаже конструктивност и сите да видиме дека таа се одлепила од досегашната матрица на политичко дејствување.
• Опозицијата имаше шанса да воспостави правило дека кога се работи за интерес на граѓаните, за националните и државни интереси власта секогаш треба да ја има нејзината поддршка. Бидијеќи во поблиска или поддалечна иднина и таа ќе биде власт а државните и националните интереси треба да бидат приоритет кај сите.
• Што е толку спорно за да не се даде поддршка со цел да се искористи ваквата ретка и несекојдневна манифестација за да ја промовирате сопствената држава? Има ли нешто спорно во тоа директно да искомуницирате со блиските влијателните идни соработници на Доналд Трамп и да проговорите за потребата од поддршка и помош, да го покажете пријателство на дело, да ја искористите шансата за убедување, замолување, одоброволување на нашите влијателни амеро-македонци поактивно и лично да се вклучат во секоја помош и поддршка на државата од која потекнуваат.?
• Чуму и е потребно на опозицијата, на поединци и на дел од медиумите да го обезвреднуваат присуството на македонскиот премиер на најважниот политички настан во светот?
• Опозицијата треба да знае (а мислам дека добро знае) дека дури и 1% од заложбите промовирани и искажани на овие макар биле и куртозани и неформални средби вродат со плод тоа не оди на име и сметка на премиерот или на некој член на делегацијата туку на име и сметка на Република Македонија, на име и сметка на сите нас граѓаните.
• Посетата беше убава шанса опозиција да покаже конструктивност и коректност нешто што е во интерес на граѓаните да добие поддршка, а не да се исмејува со самосмислени и инсконструирани приказни. Зошто беа сите тие обиди за минимизирање на заложбите и достигнувањата, суптилните навреди и сарказам кога истите тие и носат на оние кои ги искажале уште поголеми негативни поени во јавноста?
• Лично сметам дека секогаш треба да се даде шанса и поддршка на иницијативите и дејствијата кои можат да доведат до подобро утре на сите нас, но затоа и секогаш има време за барање одговорност, објави Проф д-р Јове Кекеновски на својот фејсбук профил.