сабота, 10. април 2021. Вести денес: 89
home Вести

Зеленски се вакцинираше против коронавирус

Зеленски се вакцинираше против коронавирус

Претседателот на Украина, Володимир Зеленски ја прими денеска првата доза од вакцината против коронавирусот.

Зеленски, кој во ноември минатата година беше заразен со Ковид-19, се вакцинираше денеска во воената болница во областа Луганск, каде од 2014 година траат судири меѓу украинските сили и проруски бунтовници.

-Вакциниран сум, на првата линија на фронтот со нашите војници, напиша Зеленски на Твитер, поставувајќи фотографија со порака: „Вакцината ќе овозможи да живееме без ограничувања“.

Во Украина моментно приоритет за вакцинација имаат здравствените работници и војници.

Вакцинацијата во Украина започна минатата недела. Во земјата се користи вакцината на АстраЗенека, произведена во Индија.

Од почетокот на епидемијата во Украина се потврдени околу 1,4 милиони заразени лица и над 26.000 смртни случаи.

Коронавирус