четврток, 28. октомври 2021. Вести денес: 153
home Вести

Затворени плажи на Медитеранот поради излевање на нафта

Затворени плажи на Медитеранот поради излевање на нафта

Израелските власти наложија да се затворат плажите на израелскиот медитерански брег поради излевање на нафта од една платформа.

Официјални претставници сметаат дека овој инцидент претставува најголема еколошка катастрофа во која стотици тони нафта се излеале покрај израелското крајбрежје во должина од над 170 километри.

Активисти на еколошките организации пријавиле дека е пронајден угинат кит, кој морето го исфрлил на брегот во јужниот дел на Израел, нагласувајќи дека е утврдено оти животното настрадало од труење со нафта.

Доброволци денеска се пријавија да помогнат во чистење на загадениот брег, а локалните медиуми објавија дека е побарана и медицинска помош поради интоксикација со отровно испарување.

Израелскиот премиер Бенјамин Нетанјаху посети денеска една од загадените плажи и ја пофали работата на Министерството за заштита на животната средина. (МИА)

Локални избори 2021