петок, 23. октомври 2020. Вести денес: 49
home Вести

Во Њу Делхи речиси секој трет тестиран е позитивен на коронавирусот

Во Њу Делхи речиси секој трет тестиран е позитивен на коронавирусот

Речиси секој трет граѓанин на главниот град на Индија, Њу Делхи, кој беше тестиран оваа недела, е позитивен на коронавирусот, јави Би-Би-Си, повикувајќи се на локалните медиуми.

Наведено е дека просечната стапка на позитивност е 30,5 проценти во однос на бројот на тестирани. За споредба, таа стапка во цела Индија е околу седум проценти, покажуваат податоците на здравствените власти.

Бројот на новозаразени во Њу Делхи во последните неколку недели рапидно расте, а повеќе од 40.000 луѓе во градот во моментов се заразени со коронавирусот.

Со повеќе од 330.000 потврдени случаи на коронавирус, Индија се наоѓа на четвртото место во светот по бројот на заразени.

Коронавирус