Ураганот Доријан прерасна во категорија пет, што значи дека може да предизвика катастрофални разорувања.
Националниот центар за урагани во Мајами соопшти денеска дека максималната јачина на ветерот достигнала брзина од 260 километри на час и дека се движи на запад со брзина од 13 километри на час.
Scene from Marsh Harbour as #hurricanedorian pic.twitter.com/39Do0HsStl
— Marcus Moore (@marcusmoore) September 1, 2019
Центарот наведува дека разорна силина на ураганот се очекува на Островите Абакос рано во неделата по локално време, а дека подоцна во текот на денот таквите временски прилики ќе се прошират преку Големиот бахамски остров.
Премиерот на Бахатамите, Хуберт Минис рекол на прес-конференцијата дека 73.000 луѓе се загрозени од бурата и ги предупредил жителите на помалите острови да се евакуираат, јавува Ројтерс.
Хотелите се затворени, а многу жители побарале засолниште во црквите, училиштата и другите објекти во исчекување на ударот на ураганот во текот на денот.
Доријан во моментов е оддалечен околу 450 километри источно од Вест Палм Бич на Флорида, јавува АП.
Градоначалникот на Мајами, Франсис Суарес прогласил вонредна состојба во саботата попладнето поради евентуални закани од ураганот.
