сабота, 18. јануари 2020. Вести денес: 1
home Вести

Велика Британија осудена поради масовно прислушување разговори

Велика Британија осудена поради масовно прислушување разговори
epa06663966 A man checks his mobile phone ahead of the joint press conference of German Chancellor Angela Merkel and Danish Prime Minister Lars Lokke Rasmussen, in the chancellery, in Berlin, Germany, 12 April 2018. Both head of states discussed about current affairs and the international crisis related to Syria and Russia. EPA-EFE/FELIPE TRUEBA

Европскиот суд за човекови права денеска пресуди дека Велика Британија ги прекршила правата на граѓаните со масовното прислушување на нивните телефонски разговори и следење на другите електронски комуникации.

Според Судот, Велика Британија го прекршила правото на заштита на приватноста, кое е загарантирано со Европската конвенција за човекови права.

Процесот го покренаа невладини организации кои реагираа врз основа на откритијата на пребеганиот агент на американската служба НСА, Едвард Сноуден, кој објави детали за масовно прислушување кое го вршат западните безбедносни служби.

Судот смета дека Велика Британија не вовела доволно заштитни механизми, за да се спречи прекумерното следење на телефонските разговори.

За времетраењето на процесот, Велика Британија ги смени своите закони со кои го регулира прислушувањето и воведе дополнителни чекори кои треба да минат пред да се дозволи снимање на нечии разговори.