вторник, 20. ноември 2018. Вести денес: 85
Breaking news:

Ројтерс: Груевски доби азил во Унгарија

home Вести

Трамп побарал од членките на НАТО да ги удвојат расходите за одбрана на 4 проценти од БДП

Трамп побарал од членките на НАТО да ги удвојат расходите за одбрана на 4 проценти од БДП
epa06880723 France's President Emmanuel Macron (2-L) reacts next to US President Donald J. Trump (4-L) at NATO headquarters in Brussels, Belgium, 11 July 2018. NATO countries' heads of states and governments gather in Brussels for a two-day meeting. EPA-EFE/TATYANA ZENKOVICH / POOL

Американскиот претседател Доналд Трамп денеска побара од членките на НАТО да го зголемат трошењето за одбрана од 2 проценти од бруто домашниот производ на 4, колку што сега трошат Соединетите Американски Држави.

Самитот на НАТО помина во знак на инсистирањето на Трамп до другите 28 членки да почнат сериозно да ја сфаќаат обврската да се одбранат од надворешни напади, и да почнат интензивно да купуваат вооружување, а не упорно да се потпираат врз американската армија. Повеќето членки на НАТО не ја исполнуваат ниту сега преземената обврска да трошат 2 проценти од бруто домашниот производ, а некои трошат и под 1 процент.

Претставник на Белата куќа денеска информираше дека претседателот, во разговорите со водачите на другите членки на НАТО, ги прашувал кои се нивните планови за идните воени расходи. На спомнувањето на бројката од 2 проценти, претседателот одговарал дека е подобро да се размислува за 4 проценти од вкупното годишно економско производство.

МИА