понеделник, 16. септември 2019. Вести денес: 0
home Вести

Трамп планира да отвори конзулат на Гренланд

Трамп планира да отвори конзулат на Гренланд

Администрацијата на американскиот претседател Доналд Трамп планира да отвори конзулат на САД на Гренланд, во услови на растечки стратешки и економски интерес кон данската територија.

Во писмото испратено од Стејт департментот до Конгресот, отворањето конзулат во Нук е дел од планот на американската надворешна политика за зголемување на своето присуство на Арктикот.

„САД имаат стратешки интерес за унапредување на политичките, економските и трговските односи низ целиот арктички регион“, се вели во писмото испратено до конгресниот Комитет за надворешни работи.

Како што се наведува, постојаното дипломатско присуство ќе им овозможи на САД да ги штитат основните капитални единици на Гренланд, додека развиваат подлабоки односи со претставниците на Гренланд и општеството.

Во писмото се вели дека конзулатот ќе биде „клучна компонента на напорите на САД да го зголеми присуството на САД на Арктикот и да служи како ефикасна платформа за унапредување на американските интереси на Гренланд“.