четврток, 2. јули 2020. Вести денес: 242
home Вести

Трамп ги предупреди демонстрантите: Соберете се пред Белата Куќа, но ќе ве пречекаат најжестоките кучиња

Трамп ги предупреди демонстрантите: Соберете се пред Белата Куќа, но ќе ве пречекаат најжестоките кучиња

Претседателот на САД, Доналд Трамп денеска изјави дека демонстрантите кои протестираат против смртта на Афроамериканецот Џорџ Флојд, за време на полициското апсење, може да бидат пречекани со „најжестоките кучиња и најопасното оружје што го видел досега“, доколку пробијат низ оградата на Белата Куќа.

Трамп објави серија твитови со кои се чини дека ги повика демнострантите вечерва да се соберат пред Белата Куќа.

– Разбирам дека вечерва е МАГА вечер во Белата куќа – напиша Трамп, пренесе Ројтерс, објаснувајќи дека МАГА го претставува слоганот „Make America Great Again“.

За време на протестот во Минеаполис за смртта на Афроамериканецот Џорџ Флојд, кој почина откако полицаец со колено го пристискаше на вратотот повеќе од пет минути, Белата куќа беше кратко блокирана, опкружена со демонстранти кои извикуваа „Нема правда, нема мир“, а ситуацијата беше на работ на конфликт, но припадниците на полицијата се заканија со солзавец.

Протестите избувнаа ширум САД, а покрај првичните демонстрации на гневните граѓани во Минеаполис, Минесота, каде Националната гарда беше распоредена во петокот и воведена привремена вонредна состојба со полициски час, илјадници лица излегоа на улиците во Чикаго, Детроит, Лос Анџелес и Вашингтон, Атланта, Денвер, Мемфис, Њујорк …

Парламентарни избори 2020