среда, 26. февруари 2020. Вести денес: 158
Актуелна тема

Од минута во минута за ситуацијата со коронавирусот во Македонија и светот

home Вести

Температурата на Антарктикот повторно урива рекорди

Температурата на Антарктикот повторно урива рекорди
epa08212413 A handout photo made available by the National Aeronautics and Space Administration (NASA) of a satellite image showing the Pine Island Glacier (PIG) in Antarctica, 10 February 2020 (issued 12 February 2020). Images from the European Space Agency (ESA)'s Sentinel-1 satellites showed on 09 February 2020 that a large iceberg, which was big enough to earn the name B-49, had finally calved from the glacier. EPA-EFE/NASA EARTH OBSERVATORY HANDOUT HANDOUT EDITORIAL USE ONLY/NO SALES

Првпат во историјата температурата на воздухот на Антарктикот се искачи на 20 степени Целзиусови.

Научниците на антарктичкиот остров Сејмур на 9 февруари измерија 20,75 степени, што е доказ дека температурата во последните години расте со голема брзина. Претходниот рекорд од 19,8 степени бил во 1982 година.

Се чека рекордните температури да ги потврди Светската метеоролошка организација. Научниците собираат податоци за температурата на секои три дена, а новиот рекорд го опишаа како „неверојатен и ненормален“.

И додека температурите во источниот и централниот дел на Антарктикот се релативно стабилни, во западниот дел загревањето на океанот влијае врз топење на глечерите, што доведува до пораст на нивото на морето.

Аргентинската метеоролошка станица „Есперанса“, што е лоцирана во северниот дел на Антарктикот, на 7 февруари измери 18,3 степени Целзиусови. Со тоа беше соборен претходниот рекорд од 17,5 степени Целзиусови измерени во март 2015 година.

„Есперанса“ ја мери температурата на воздухот на Антарктикот од 1961 година.
Според Светска метеоролошка станица Антарктикот е место каде најмногу е зголемена температурата на воздухот во последните 50 години, при што е забележано пораст на температурата за три степени.