вторник, 15. октомври 2019. Вести денес: 0
home Вести

Тајланд: Нуркачите се подготвуваат да продолжат со акцијата за спасување на децата

Тајланд: Нуркачите се подготвуваат да продолжат со акцијата за спасување на децата
epa06874660 A handout photo made available by the Chiang Rai Public Relations Office shows Thai military medical personnel walking inside a restricted area as preparations are made to transport rescued boys from Tham Luang cave to a hospital, in Khun Nam Nang Non Forest Park, Chiang Rai province, Thailand, 08 July 2018 (issued 09 July 2018). According to reports, four boys were rescued on 08 July 2018. Rescue operations continue for the remaining members of a youth soccer team, including their assistant coach, who have been trapped in Tham Luang cave since 23 June 2018. EPA-EFE/CHIANG RAI PR OFFICE / HANDOUT HANDOUT HANDOUT EDITORIAL USE ONLY/NO SALES HANDOUT EDITORIAL USE ONLY/NO SALES

Нуркачите во Тајланд се подготвуваат денес да продолжат со ризичната акција за спасување на останатите осум деца и нивниот фудбалски тренер од поплавената пештера на северот од Тајланд.

Момчињата и тренерот се наоѓаат во пештерата од 12 јуни, а вчера извлечени беа четири момчиња.

Операцијата мораше да биде запрена за да се заменат боците со кислород. Спасувачките екипи одлучиле веднаш потоа да се продолжи со акцијата бидејќи се стравува дека би можело повторно да дојде до пораст на водата.

Би-Би-Си наведува дека активности на теренот се забележани рано утринава на местото од каде се нурка, навестувајќи дека можеби веќе е во тек операција за извлекување на преостанатите членови од групата

Најмалку седум амбулантни возила се упатиле кон местото од каде се влегува во пештерата.

Тајландскиот министер за внатрешни работи Анупонг Паојинд изјавил дека истите нуркачи кои учествувале во вчерашното спасување ќе ја водат и денешната акција бидејќи одлично биле запознаени со условите во пештерата и знаат што прават.

Додава дека официјалните лица и предводници во спасувачката операција се состанале утрово оп локално време за да разговараат за следната фаза и тоа како ќе продолжи извлекувањето. Според неговите зборови, нуркачите мора да постават уште канистри со кислород долж подводна пештера до местото каде се наоѓаат децата и нивниот тренер.

Министерот нагласува дека потребни ќе бидат неколку дена за да се заврши целиот процес. Посочува дека децата кои биле вчера спасени, се силни и безбедни, но мораат да поминат низ детални медицински прегледи.

Во операцијата за спасување на децата и нивниот тренер учествува тим од 9 нуркачи, 40 од Тајланд и 50 од странство