понеделник, 21. јуни 2021. Вести денес: 142
home Вести

СЗО: Опаѓа ширењето на коронавирусот

СЗО: Опаѓа ширењето на коронавирусот

Ширењето на коронавирусот во светот опаѓа, изјави Марија ван Керховен, експерт во Светската здравствена организација (СЗО).

– Ова беше овозможено пред сè со мерките за прекинување на синџирот на пренесување на вирусот, меѓу кои клучна улога игра вакцинацијата, рече таа.

Керховен ги повика земјите каде што новите случаи на Ковид-19 се намалуваат, да продолжат да ги почитуваат санитарните мерки.

Генералниот директор на СЗО Тедрос Аданом Гебрејсус, претходно изјави дека бројот на вакцинираните против Ковид-19 е поголем од бројот на заболените.

– Од една страна, ова е добра вест и извонредно достигнување за толку кратко време, но повеќе од три четвртини од овие вакцинации се направени во само 10 земји, каде се акумулирани 60 отсто од глобалниот БДП, рече тој.

Тедрос ги повика земјите кои веќе ги вакцинираа најранливите групи и здравствените работници да ги споделат вишокот вакцини со други земји пред да продолжат со масовна вакцинација.

Според Блумберг, за да се смири пандемијата на коронавирусот, мора да се вакцинираат 75 отсто од светската популација, што, според сегашното темпо би траело околу седум години.

ЕУРО 2020

Македонија