четврток, 27. февруари 2020. Вести денес: 34
Актуелна тема

Од минута во минута за ситуацијата со коронавирусот во Македонија и светот

home Вести

Стотина студенти се уште забарикадирани на Политехничкиот универзитет во Хонг Конг

Стотина студенти се уште забарикадирани на Политехничкиот универзитет во Хонг Конг

Стотина антивладини демонстранти останаа забарикадирани на Политехничкиот универзитет во Хонг Конг денеска, опколени од полицијата додека опсадата врз кампусот на универзитетот влегува во третиот ден.

Според локалните медиуми, повеќе од 200 млади демонстранти го напуштиле Политехничкиот универзитет, придружувани од медијатори на кои полицијата им дозволи да влезат.

На демонстрантите под 18-годишна возраст им беше дозволено да заминат без апсење, јави Би-Би-Си, но постари лица се приведени.

Политехничкиот универзитет стана сцена на судир минатата недела, при што антивладините демонстранти не покажаа знаци на откажување. Конфликтите на универзитетот се едни од најнасилните откако во јуни почнаа протести во кои се бараа истрага за полициска бруталност, како и универзално право на глас.