среда, 16. јуни 2021. Вести денес: 25
home Вести

Состојба со Ковид-19 во светот до 19 часот: Две заразени семејства го прекршиле карантинот, па настанал вистински хаос

Состојба со Ковид-19 во светот до 19 часот: Две заразени семејства го прекршиле карантинот, па настанал вистински хаос

Според последните податоци, во светот со новиот коронавирус досега се заразени вкупно 2.965.730 лица. Од нив починале205.661, а оздравеле 871.286 луѓе.

– Во БиХ во последните 24 часа се потврдени уште 15 заразени со што вкупниот број на инфицирани со Ковид-19 достигна 826. Вкупно оздравеле 256 пациенти, а почнале 32 лица.

– Бројот на нови случаи на коронавирусот во Холандија се зголеми за 655, па вкупниот број на заразени достигна 37.845, соопшти Министерството за здравство. Починале вкупно 4.475 лица.

– Во последните 24 часа во Хрватска од Ковид-19 заболеле уште 14 лица, со што вкупниот број на заразени се искачи на 2.030. Во земјата досега починале вкупно 55 лица, а излекувани се 1.103 луѓе.

– Компанијата Дајмлер која произведува Мерцедес Бенз го стабилизира работењето во Кина.

– Американски видри од две фарми во Холандија се позитивни на Ковид-19.

– Во Африка се регистрирани повеќе од 30.000 случаи на коронавирусот, а заразата е присутна во 54 земји, соопшти денеска Африканскиот центар за контрола и превенција на болести. Досега во Африка од Ковид-19 починале 1.374 луѓе.

– Во Либан од утре ќе стапи во сила одредба со која се олеснуваат некои мерки воведени со цел борба против коронавирусот.

– Првпат од почетокот на кризата на Малта во последните 24 часа не е регистриран ниту еден нов случај на коронавирусот, рече министерот за здравство Крис Фирми и додаде дека поради тоа наскоро ќе се олеснат некои рестриктивни мерки.

– Во Словачка бројот на заболени се зголеми на 1.379. Вкупниот број на починати порасна на 18.

– Според последните официјални податоци, во Англија, Шкотска и Велс во болниците во последните 24 часа починале уште 368 луѓе, вкупно 18.420 до сега. Во оваа бројка не се вклучени смртните случаи од последици од Ковид-19 вон болниците.

– Израелските власти денеска дозволија некои компании повторно да отворат и наведоа дека разгледуваат можност децата да се вратат во училиште како дел од напорите за олеснување на ограничувањата и помошта за економијата.

– Германските власти тестираа 450 жители на еден станбен комплекс во Гревенброих во западна Германија, затоа што две заразени семејства ги прекршиле правилата за карантин.

– Во Португалија 500 мигранти ќе бидат тестирани на коронавирусот, а некои од нив ќе бидат сместени во хостели и апартмани кои се издаваат на туристи и кои се празни поради епидемијата. Чекорот следува откако вирусот минатата недела се појави во еден мигрантски хостел.

ЕУРО 2020

Македонија