сабота, 6. јуни 2020. Вести денес: 19
Актуелна тема

Од минута во минута за ситуацијата со коронавирусот во Македонија и светот

home Вести

Состојба со Ковид-19 во светот до 10 часот

Состојба со Ковид-19 во светот до 10 часот

Според најновите податоци, во светот досега се регистрирани 664,746 луѓе заразени со новиот коронавирус. Од нив починати се 30,892, а оздравеле 142,429 лица.

– Во американската сојузна држава Илиноис почина бебе заразено со новиот коронавирус. Во Илиноис во последните 24 часа починале уште 13 луѓе инфицирани со Ковид-19, а регистрирани се 465 нови случаи. Во САД досега се регистрирани 123,776 заразени луѓе, од кои 2.229 починаа, а оздравеле 3,231 лица.

– Во Италија бројот на смртни случаи како последица од Ковид-19 вчера се искачи над 10.000, откако починаа 889 луѓе. Во Италија 92,472 луѓе се инфицирани со Ковид-19, а оздравеле 12,384.

– Во Шпанија во последните 24 часа починаа 832 луѓе како последица од новиот коронавирус, што е најголем број на смртни случаи за еден ден. Вкупно починале 5.690 лица.

– Во Франција 37.575 луѓе се инфицирани со Ковид-19 од кои 2.314 починале.

– Во Јапонија потврдени се 68 нови сличаи на Ковид-19, што е рекорден дневен пораст на заразени лица. Со тоа вкупниот број на инфицирани луѓе се искачи на 1.700, од кои 55 починаа.

– Во Австрија вчера првпат од почетокот на пандемијата e забележаno намалување на инфекцијата под 10 отсто. Според здравствените власти 8.122 луѓе се позитивни на новиот коронавирус, а 410 се излекувани.

– Северна Ирска воведе поригорозни мерки во борба против новиот коронавирус. На сите граѓани им е забрането напуштање на домовите без причина, а ќе бидат затворени и локалите и фирмите, ако не водат сметка за безбедноста на вработените. Во Северна Ирска вчера починаа уште две лица, со што бројот на смртни случаи се искачи на 34, а регистирани се 2.415 случаи.

– Сопругата на канадскиот премиер Џастин Трудо, Софи вчера изјави дека оздравела од новиот коронавирус. Таа на 12 март беше позитивна на Ковид-19, откако се врати од Лондон. Оттогаш преиерот на Канада и неговото семејство се во самоизолација, но Трудо и неговите три деца немаат симптоми. Во Канада има 5.616 потврдени случаи на новиот корона случај, од кои 61 починале, а оздравеле 445 лица.

Коронавирус