среда, 25. ноември 2020. Вести денес: 105
home Вести

Шпанскиот Парламент ја продолжи вонредната состојба за шест месеци

Шпанскиот Парламент ја продолжи вонредната состојба за шест месеци

Шпанскиот Парламент денеска гласаше за продолжување на вонредната состојба во земјата за уште шест месеци, што ќе им даде на локалните власти дополнителни овластувања за контрола на вториот бран на епидемијата на коронавирусот.

Вонредната состојба во Шпанија ќе остане во сила до 9 мај.

Шпанија е едно од најголемите жаришта на коронавирусот во Европа, со повеќе од 1,1 милиони заразени од почетокот на пандемијата и над 35.000 смртни случаи.

– Свесни сме дека граѓаните се уморни по повеќемесечни напори и жртви и дека не можат да го сторат она што го правеа порано – да ги гушкаат семејството и пријателите. Но, не е време да ги олесниме мерките, пред нас се многу тешки недели и месеци, изјави министерот за здравство Салвадор Иља.

Коронавирус