вторник, 18. јануари 2022. Вести денес: 104
home Вести

ШЕФОТ НА „ФАЈЗЕР“ СО СВОЈА ПРОГНОЗА Ќе се вакцинираме редовно уште многу години

ШЕФОТ НА „ФАЈЗЕР“ СО СВОЈА ПРОГНОЗА Ќе се вакцинираме редовно уште многу години

„Луѓето најверојатно ќе треба да примаат вакцини против ковид-19 еднаш годишно, уште многу години“.

Вака изјави д-р Алберт Була, шефот на „Фајзер“, во ексклузивно интервју за Би-Би-Си, додавајќи дека тоа ќе биде потребно за да се одржи „многу високо ниво на заштита“.

Тој откри и дека компанијата работи на ажурирана вакцина како одговор на омикрон-сојот која би можела да биде готова за 100 дена. Според него, вакцините помогнале да се спасат милиони животи за време на пандемијата, а без нив „фундаменталната структура на нашето општество ќе биде загрозена“.

На прашање што со останатите соеви д-р Бурла рече дека од „Фајзер“ веќе направиле ажурирани вакцини како одговор на бета-сојот, кој исто така беше пронајден во Јужна Африка и за делта-сојот, првпат идентификуван во Индија, но дека тие не биле потребни.

До крајот на годината „Фајзер“ очекува да испорача три милијарди дози од својата месинџерска вакцина за рибонуклеинска киселина (мРНК) со четири милијарди дози планирани за следната година.

Имаше глобална трка за заштита на луѓето кои беа заштитени, објаснува д-р Бурла, но во 2022 година, земјите ќе имаат „толку дози колку што им требаат“.

Не е до цената, туку богатите земји први си нарачале од вакцините
Неколку глобални здравствени добротворни организации сметаат дека сумите што „Фајзер“ и „Модерна“ ги заработуваат од пандемијата се неетички високи. „Фајзер“ само оваа година ќе генерира најмалку 35 милијарди американски долари од продажбата на вакцините против коронавирусот, а тоа се должи и на порастот на цените на акциите.

Но, додека повеќето луѓе во светот сега имале барем еден лек против Ковид, во делови од Африка тоа е помалку од едно лице на 20.

Д-р Бурла не се извини за остварувањето профит, велејќи дека „заклучокот е дека се спасени милиони животи“.

– На глобалната економија ѝ заштедивме трилиони долари – продолжи тој.

Според него вакцината чини колку еден оброк од „купечка храна“ за побогатите земји, а дека на сиромашните земји им ја продаваат без „Фајзер“ да има профит од тоа. Нееднаквоста настанала од други причини. Имено, некои од богати теземји како што е Велика Британија порано си нарачале вакцини и достапноста на почетокот била ограничена.

„Фајзер“ ќе направат вакцина што не се чува во фрижидер за афричките земји

Друг проблем е тоа што, со оглед дека треба да се чува на-70 степени Целзиусови, вакцината „Фајзер“ била незгодна да се користи во земји со ограничени здравствени услуги.

Но, во рок од еден месец или нешто повеќе, „Фајзер“ вели дека ќе претстави нова формулација на вакцината што може да се чува три месеци во фрижидер, за што д-р Бурла рече, ќе направи „огромна разлика“ за африканските земји од субсахарскиот регион.

„Фајзер“, исто така, разви антивирусна пилула, „Paxlovid“, која во испитувања ги намали приемите и смртните случаи во болница за речиси 90 отсто. Велика Британија е една од првите земји да ја одобри пилулата и првите 250.000 примероци треба да стасаат кај пациентите.

Не се плашете од вакцина, љубовта го победува стравот
„Фајзер“ ја тестира својата вакцина и кај деца под пет години. За децата од 5 до 11 години таа веќе беше одобрена во САД.

– Коронавирусот брзо се шири во училиштата. Ова е значително вознемирувачки за образовниот систем, а има деца кои ќе имаат тешки симптоми – вели д-р Бурла.

Тој во интервјуто прати силна порака за оние кои не сакаат да примат вакцина.

– За оние кои едноставно се плашат, единствената емоција на човечките суштества посилна од стравот е љубовта – рече тој.

– Значи, јас секогаш го користам овој аргумент дека одлуката да се прими друга вакцина нема да влијае само на вашето здравје, тоа ќе влијае на здравјето на другите, а особено на здравјето на луѓето што најмногу ги сакате, бидејќи тие се тие со кои ќе комуницирате – додава докторот.

Се ширеле лаги дека бил уапсен од ФБИ и дека жена му починала
Првиот човек на „Фајзер“ неодамна беше мета на некои бизарни лажни вести, тврдејќи дека американското Федерално биро за истраги го уапсило за измама, а неговата сопруга починала како резултат на несакани ефекти од вакцината „Фајзер“. И двете информации се невистинити.

– Во првата вест, пишуваа дека ме уапсиле ФБИ. На ова секако се насмеав. На втората вест, дека мојата сопруга починала, каде беше објавена и нејзината слика, навистина бев лут – раскажува тој.

– Се загрижив за моите деца, па се обидов да им се јавам. Не можев да го добијам син ми на телефон – додава Бурла.

– Она што моравме да го поминеме, тоа не е ништо во споредба со животите што ќе бидат изгубени поради „ѓубрето од информации“ што тие луѓе го објавија, бидејќи луѓето навистина ќе мислат дека мојата сопруга починала поради вакцината … таа е добра и таа е прекрасна жена – заклучува Бурла.

Коронавирус