понеделник, 28. септември 2020. Вести денес: 139
home Вести

Серија силни експлозии во воена база на сириската армија

Серија силни експлозии во воена база на сириската армија

Серија силни експлозии биле регистрирана во близината на воздухопловната база Ал Мезе во сирискиот главен град Дамаск ноќеска. Инцидентот се случува во време кога сириската армија и нејзините руски и ирански сојузници се подготвуваат за офанзива врз бунтовничката област Идлиб, додека западните земји се заканија со акција доколку Сиријците употребат хемиско оружје.

Според сириските државни медиуми, во базата дошло до електричен проблем во магацин за муниција и тоа било причина за експлозијата. Сириската армија ја отфрли можноста експлозијата да е дело на израелската армија. Израел досега повеќе пати вршеше напади врз цели во јужна Сирија, каде се распоредуваат ирански паравоени единици. Дамаск е во дострел на израелските ракетни системи распоредени на Голанската висорамнина, а израелската Влада повеќе пати има посочено дека нема да дозволи иранско воено присуство во близина на нејзината граница.

Во Средоземното Море во тек е концентрација на борбени бродови на САД и на Русија, во очекување на офанзивата врз Идлиб. Во 2017 година САД ги употребија своите борбени бродови во Средоземјето за да извршат ракетни напади врз воената база Шајрат, од каде се претпоставува дека сириската армија врши напади со хемиско оружје врз бунтовниците.

(Миа)

Коронавирус