четврток, 23. септември 2021. Вести денес: 108
home Вести

Роднините на жртвите во Мајами ќе добијат повеќе од 150 милиони долари отштета

Роднините на жртвите во Мајами ќе добијат повеќе од 150 милиони долари отштета

Роднините на загинатите и повредените при уривање на станбената зграда во местото Сурфсајд во Мајами, Флорида, ќе добијат отштета од најмалку 150 милиони долари, објави Фокс њуз, повикувајќи се на судската одлука на округот Мајами-Дејд.

Сумата вклучува 50 милиони долари за осигурување и најмалку 100 милиони долари за загуба на недвижен имот во веќе непостоечката зграда.

-Главната грижа на судот се секогаш жртвите. Нивните права ќе бидат заштитени, изјави судијата Мајкл Хантсман.

Овој износ за надомест не ги вклучува исплатите за големиот број побарувања на роднини, кои се поднесени во судот од крајот на јуни. Сите претставки ќе бидат собрани во едно колективно барање, кое судот ќе го разгледа одделно.

Станбена зграда во Сурфсајд се урна ноќта на 24 јуни. Првиот ден од под урнатините беа извадени 37 лица, но потоа не се пронајдени преживеани. На 7 јули, властите одлучија да ја запрат спасувачката операција, сега трагајќи по телата на жртвите на местото на несреќата. Според последните податоци, 97 лица загинаа во несреќата. (МИА)

Коронавирус