недела, 11. април 2021. Вести денес: 0
home Вести

Рекорден број починати од корона вирус во еден ден во Бразил

Рекорден број починати од корона вирус во еден ден во Бразил

Во Бразил во изминатите 24 часа од Ковид-19 починале 1.641 лице, што е рекорден број смртни случаи регистрирани во земјата за еден ден, покажуваат податоците на локалното Министерство за здравство.

Претходно, најголемиот број смртни случаи беа забележани на крајот на јули минатата година – 1.595.

Бразил се соочува со нов бран на епидемијата, а здравствениот систем е пред колапс.

Според официјални податоци во Бразил од Ковид-19 досега починаа повеќе од 257.000 луѓе, а земјата е на второто место во светот, по САД, по вкупниот број смртни случаи од коронавирусот.

Околу 10,6 милиони случаи на коронавирус се потврдени од почетокот на пандемијата, а 59.925 лица биле заразени во последните 24 часа.

Коронавирус