четврток, 26. ноември 2020. Вести денес: 152
Во живо

Натпартиски протест за одбрана на црвените линии кои се последниот бедем на нашиот идентитет

home Вести

Расте црниот биланс: Најмалку 33 лица загинаа во лавини во Турција

Расте црниот биланс: Најмалку 33 лица загинаа во лавини во Турција

Бројот на загинати во двете лавини во источниот дел на Турција се зголеми на 33 луѓе, јави Анадолија.

Околу 300 припадници на итната служба се повикани да интервенираат во близина на градот Бачесехир, кој е опкружен со планини, а се наоѓа во провинцијата Ван – во близина на границата со Иран. Тие биле повикани по лавината во која синоќа загинаа пет лица.

Денеска, околу пладне, втора лавина падна врз спасувачите, а властите соопштија дека од снегот на стрмната падина биле извлечени безживотните тела на најмалку 26 спасувачи.

Во лавините се повредени и 53 лица.

Гувернерот на провинцијата Ван, Мехмет Емин Билмез изјави дека меѓу загинатите има осуммина воени полицајци, тројца припадници на селска стража, тројца пожарникари и деветмина доброволци.

Билмез посочи дека тимот за итни случаи трага по колегите кои можеби се уште се затрупани под снегот. (МИА)

Коронавирус