среда, 28. октомври 2020. Вести денес: 93
home Вести

Раст на продажбата на Мекдоналдс во клучните региони, но профитот помал

Раст на продажбата на Мекдоналдс во клучните региони, но профитот помал

Американскиот синџир ресторани за брза храна Мекдоналдс соопшти за пад на приходите и добивката во третото тромесечје, но информираше и за раст во клучните региони, вклучувајќи ги Велика Британија, Франција и Јапонија, што укажува на континуирани подобрувања во продажбата.

Нето добивката на Мекдоналдс се намали на 1,6 милијарди долари во претходниот квартал, што претставува намалување за 13,1 отсто во однос на истиот период минатата година. Но, тогаш добивката на компанијата се зголеми за околу 850 милиони долари, благодарејќи на продажбата во Кина и Хонг Конг.

Приходите на Мекдоналдс се намалиле за 6,7 отсто во третиот квартал на 5,4 милијарди долари, се наведува во кварталниот извештај на компанијата.

Сепак, во исто време, приходите од продажбата во рестораните отворени подолго од 13 месеци, клучни показатели во угостителскиот бизнис, се зголемија во сите четири клучни регионални категории. На матичниот, американски пазар се зголемија за 2,4 проценти.

Коронавирус