понеделник, 17. мај 2021. Вести денес: 154
home Вести

Путин: Целта е Русија до есен да постигне колективен имунитет

Путин: Целта е Русија до есен да постигне колективен имунитет

Рускиот претседател Владимир Путин денеска изјави дека целта е во Русија до есен да се постигне колективен имунитет на Ковид-19.

– Сега најважна е вакцинацијата… за да постигнеме колективен имунитет до есен, истакна Путин во годишното обраќање до нацијата од Парламентот.

Тој додаде дека Русија сега има три вакцини против Ковид-19 – Спутник В, ЕпиВакКоронба и КовиВак.

– Апелирам до сите руски граѓани да се вакцинираат. Ова е единствениот начин да се ослободите од овој смртоносен вирус, посочи Путин.

Тој минатата недела ја прими втората доза на вакцина против Ковид-19, но не пред камери и не откри која вакцина ја прими. Повеќе од осум милиони од вкупно 144 милиони Руси се вакцинирани. Земјата е една од најтешко погодените во светот. Пријавени се повеќе од 4,7 милиони заболени и 106. 000 смртни случаи.

– Здравствените системи на многу водечки земји не успеаја да ја запрат епидемијата ефективно како нашата, наведе Путин.

Претседателот на Русија како главната задача на Владата го посочи зголемувањето на  приходите на Русите.

Коронавирус