понеделник, 6. април 2020. Вести денес: 173
Актуелна тема

Од минута во минута за ситуацијата со коронавирусот во Македонија и светот

home Вести

Протест на Свети Валентин поради објавување на фотографија на убиена девојка

Протест на Свети Валентин поради објавување на фотографија на убиена девојка

Неколку стотина демонстранти, предводени од жени синоќа протестираа на Денот на Свети Валентин пред претседателската палата во Мексико сите поради насилството врз жените.

Протестот уследи по убиството на 25-годишна девојка и објавената фотографија од злосторството во весник.

Демонстрантите носеа транспаренти на кои пишуваше „Земја на фемицидот“ и протестот го продолжија пред седиштето на мексиканскиот дневен весник „Ла Пренса“, кој објави фотографија на расчереченото тело на убиената Ингрид Ескамила.

Учесниците во протестот запалија и возила во сопственост на „Ла Пренса“, а се судрија и со полицијата, која ги спречи да влезат во седиштето на весникот.

Демонстрантите носеа и транспаренти на кои пишуваше „Бараме одговорно новинарство“, „Сите ние сме Ингрид“ и „Сексизмот убива“.

Во Мексико дневно се убиваат по 10 жени.

Коронавирус