вторник, 2. март 2021. Вести денес: 142
home Вести

Продолжуваат протестите во Холандија поради карантинот

Продолжуваат протестите во Холандија поради карантинот
epaselect epa08965310 A man is arrested by Police during clashes in Rotterdam, The Netherlands, 25 January 2021. Police's mobile unit is present and has carried out charges to clear the street. Some arrests have also been made and a water cannon has been used. Nationwide protest against coronavirus restrictions and curfew imposed by Dutch government broke out during the weekend in many Dutch cities, leading to some violent riots and clashes with Police. EPA-EFE/MARCO DE SWART

Во Холандија четврта вечер по ред се протестира против мерките за карантин, додека излозите на некои продавници беа забарикадирани, а нивните вработени испратени дома порано од безбедносни причини.

Властите ги повикаа родителите на тинејџерите да не ги пуштаат да излегуваат, предупредувајќи дека може да завршат со кривично досие и да добијат огромни казни за уништување автомобили, продавници и јавен имот.

Полицијата беше повикана за сузбивање на немирите во повеќе од десет градови.

– Сме имале протести во минатото, но ретко се случувало да се одржуваат неколку ноќи по ред во градовите низ целата земја, рече портпаролката на националната полиција.

Таа објасни дека тие не се одржуваат само во области за кои се знае дека се проблематични, туку дека се многу пораспространети.

Холандската полиција синоќа уапси повеќе од 180 лица кога групи демонстранти започнаа да палат оган, фрлаат камења и ограбуваат продавници во неколку градови. Досега се уапсени повеќе од 470 лица, а полицијата користела водени топови во повеќе градови.

Болницата во Ротердам ги предупреди роднините и пријателите на пациентите да не доаѓаат откако претходните денови демонстрантите ги нападнаа болниците во повеќе градови.

Десетмина полицајци се повредени синоќа во Ротердам.

Во Холандија во саботата стапи на сила полициски час, првпат по Втората светска војна, и покрај фактот дека бројот на новозаразени се намалува, откако Националниот институт за здравство соопшти дека новиот вид откриен во Велика Британија претставува третина од новите случаи.

Училиштата и продавниците кои не продаваат основни намирници беа затворени во средината на декември, а кафулињата и рестораните два месеца пред тоа.

Коронавирус