сабота, 10. април 2021. Вести денес: 72
home Вести

Продолжена вонредната состојба во Токио

Продолжена вонредната состојба во Токио

Јапонската Влада ја продолжи денеска вонредната состојба во подрачјето на Токио за две недели во обид за спречување на ширењето на Ковид-19, поради што премиерот Јошихиде Суга се извини.

Вонредната состојба требаше да заврши на 7 март, но четири и пол месеци пред Токио да биде домаќин на Олимписките игри, Суга истакна дека постои потреба за внимателност поради заканите од новите мутации на коронавирусот и можноста за зголемување на бројот на заразени случаи.

– Искрено ми е жал што не успеав да ја укинам вонредната состојба, како што претходно беше ветено, до 7 март. Се извинувам од срце, изјави Суга на прес-конференција.

Во рамки на вонредната состојба во Токио и три околни префектури, Владата побарала рестораните и баровите да бидат затворени до 20 часот и да престанат да служат алкохол еден час претходно.

Од граѓаните се очекува да останат во своите домови по 20 часот, освен ако немаат сериозна причина да излезат надвор.

Коронавирус