понеделник, 17. мај 2021. Вести денес: 154
home Вести

Принцовите Вилијам и Хари му оддадоа почит на принцот Филип- еве што кажаа за нивниот дедо

Принцовите Вилијам и Хари му оддадоа почит на принцот Филип- еве што кажаа за нивниот дедо

Принцот Вилијам денеска му оддаде почит на неговиот дедо, принцот Филип, кој почина во петокот на 99-годишна возраст, опишувајќи го како „исклучителен“ човек, додека неговиот брат Хари го нарече својот дедо „човек на должност, чест и голем смисол за хумор“.

Палатата Кенсингтон денеска објави фотографија на принцот Филип, војводата од Единбург, како седи со синот на Вилијам, принцот Џорџ, снимена во Норфолк во 2015 година.

– Среќен сум не само што го имав неговиот пример за да ме води, туку и неговото постојано присуство додека станав возрасен – и во добри времиња и во најтешки денови, рече Вилијам.

Тој додаде дека е благодарен за неговата добрина кон Кејт, неговата сопруга и војвотката од Сасекс и за „посебните спомени“ што неговите деца ќе ги имаат за нивниот прадедо, како и за „палавата смисла за хумор“.

– Мојот дедо беше исклучителен човек и дел од исклучителна генерација… Ќе ми недостасува, но знам дека тој би сакал да продолжиме да живееме, додаде тој.

Принцот Хари го опиша својот дедо како „човек на должност, чест и силна смисла за хумор“.

Војводата од Сасекс, кој во саботата се врати од САД во Велика Британија за првпат откако и сврте грб на монархијата, во соопштение го поздрави принцот Филип како „карпа на несомнена посветеност на Нејзиното височество кралицата“ Елизабета Втора.

Коронавирус