петок, 10. јули 2020. Вести денес: 170
МЕГА БОМБА

Еве ја целата листа: Речиси цело семејство Заеви, министри, градоначалници и функционери на СДСМ добија кривични од Боки 13

home Вести

Правата на децата сериозно погодени поради Ковид-19

Правата на децата сериозно погодени поради Ковид-19

Правата на децата ширум светот се сериозно погодени од кризата поради новиот коронавирус, со што се зголеми ризикот од принудна работа или брак, јави ДПА повикувајќи се на холандската невладина организација Права на детето.

Економските последици од пандемијата и мерките преземени од страна на владите за да се запре ширењето на вирусот имаат сериозни последици за многу деца.

„Оваа криза отстрани неколку години напредок во правата на децата“, рече Марк Дулерт, основач и претседател на „Правата на детето“.

Затворањето на училиштата ги направи младите многу ранливи на присилна работа или брак, предупредува организацијата.

Тенмзиите во здравствените системи стави крај на програмите за вакцинирање против болести како што се детска парализа и сипаници и „ќе доведе до пик на смртност кај децата“, со случаи што се очекува да пораснат за стотици илјади.

Во најмалку 23 држави, кампањите за вакцинирање на сипаници се прекинати, а засегнуваат повеќе од 78 милиони деца на возраст под девет години.

Според нив, „попотребно е од кога и да било“ да се обрне внимание на правата на децата.

Нивните анализи се објавени во индексот за 2020 година – таму се рангирани 182 земји според степенот до кој се почитуваат правата на децата. Првите три места во индексот се Исланд, Швајцарија и Финска, а последните – Чад, Авганистан и Сиера Леоне. (МИА)

Парламентарни избори 2020