среда, 16. октомври 2019. Вести денес: 142
home Вести

Повредени десетмина ученици во напад во училиште во Кина

Повредени десетмина ученици во напад во училиште во Кина

Најмалку десет ученици се повредени во напад во едно основно училиште во централна Кина.

Нападот се случи во утринските часови на првиот ден од училишната година во градот Енши.

Сите повредени ученици се згрижени во болница.

Медиумите пренесуваат дека полицијата го уапсила осомничениот за нападот.

Мотивот се уште не е познат, а не се соопштуваат други детали за инцидентот.

Во јуни минатата година маж избоде две деца во основно училиште во Шангај.

Претходно, во април деветмина ученици беа убиени, а повеќе од десетина повредени во средно училиште за време на напад од страна на поранешен ученик кој се осветувал за малтретирање во училиштето.