понеделник, 30. ноември 2020. Вести денес: 60
home Вести

Почина серискиот убиец Иван кој уби 7 млади автостопери

Почина серискиот убиец Иван кој уби 7 млади автостопери

Во сиднејскиот затвор Лонг Беј денеска почина Иван Милат (74), чии монструозни сериски убиства на млади автостопери на почетокот на 90-тите години од минатиот век ги ужаснаа Австралијанците, соопштија затворските власти.

Милат во затвор беше од 1994 година, а на почетокот на 2019 година му беше дијагностициран карцином на хранопроводот. Умре во медицинското крило на затворот, се наведува во соопштението на државната поправна служба за Нов Јужен Велс, пренесоа американските медиуми.

Во текот на судењето се докажа дека Милат за време на двегодишното дивеење по патиштата околу Сиднеј усмртил тројца Германци, двајца Британци и двајца австралиски стопери, кои ги примал во својот автомобил. Убиствата беа откриени откако труповите им беа пронајдени во шума во близина на Сиднеј, во текот на 14 месеци во 1992 и 1993 година.

Милат беше уапсен на 22 мај 1994 година, по два месеца трагање. На полицијата и помогна Британецот Пол Онионс, кој во 1990 година го прифатил возењето додека стопирал и успеал да побегне од автомобилот, трчајќи по патот додека Милат пукал по него.

Кога судењето заврши, во 1996 година, Милат беше прогласен за виновен за седум убиства, и осуден беше на седум доживотни затворски казни.

По обидот за бегство во 1997 година тој беше префрлен во затвор со максимално обезбедување.

Коронавирус