сабота, 21. септември 2019. Вести денес: 92
home Вести

Почина поранешниот индонезиски претседател Хабиби

Почина поранешниот индонезиски претседател Хабиби

Поранешниот претседател на Индонезија, Бахарудин Јусуф Хабиби почина денеска на 84-годишна возраст.

Како што соопшти семејството, Хабиби почина во воената болница, каде бил од 1 септември поради проблеми со срцето.

Тој овозможи спроведување на демократски реформи и референдум за независност на Источен Тимор по соборувањето на Сухарто од власт.

Хабиби беше трет претседател на Индонезија и најкратко од сите остана на таа функција, само 16 месеци, од мај 1998 до октомври 1999 година, кога се повлече од трката за шеф на државата.