четврток, 22. април 2021. Вести денес: 98
home Вести

Партиите кои бараат независност на Каталонија имаат мнозинство

Партиите кои бараат независност на Каталонија имаат мнозинство

Трите партии кои бараат независност на Каталонија од Шпанија добиваат во каталонскиот парламент апсолутно мнозинство на предвремените избори одржани вчера, според првичните официјални резултати по 92 отсто преброени гласови.

Сепаратистичките партии добиваат 70 од 135 места, според првичните резултати, додека за мнозинство се потребни 68 пратеници.

Партиите за независност имаа 72 пратеници во парламентот од изборите во 2015, со што пред два месеци ја доведоа североисточната покраина на раб на независност, а Шпанија ја внесоа во најголемата политичка криза во последните четири децении.

Партијата со најмногу освоени места е Граѓани на Карлес Пучдемон со 35 пратеници. Следат партиите Заедно за Каталонија со 34 и Каталонската републиканска левица со 32. На четвртото место со 18 пратеници е партијата на левиот центар ПСЕ која е против независноста.

Мнозинството на заговорниците на независноста засега им го носат 4 пратеници на антикапиталистичката Кандидатура на народното единство, со што имаат 70 пратенички места.

Коронавирус