петок, 4. декември 2020. Вести денес: 132
home Вести

Ослободени француските новинари кои беа приведени

Ослободени француските новинари кои беа приведени

Двајцата француски новинари кои беа уапсени додека известуваа за политичката криза во Венецуела денеска се ослободени, соопшти уредништвото на емисијата „Котидијан ТВ шоу“, каде работат новинарите.

-Среќни сме што можеме да објавиме дека Батист де Монстије и Пјер Кај се ослободени и наскоро ќе допатуваат во Париз, објави   „Котидијан ТВ шоу“ на Твитер.

Претходно, шпанската новинска агенцијата ЕФЕ јави дека колумбискиот фотограф Леонардо Мунос вчера исчезнал во Каракас, а двајца шпански репортери Гонсало Домингес и Колумбијката Маурен Бригу биле одведени од нивната канцеларија од страна на припадниците на венецуелската разузнавачка служба Себин.

Шпанската Влада соопшти и дека државјанин на Венецуела кој работи за ЕФЕ исто така е приведен.

Новинарите се приведени по депортацијата на двајца новинари од Чиле, кои во текот на неделата беа уапсени во Венецуела.

Кризата во Венецуела се повеќе се продлабочува, Врховниот суд му забрани на опозицискиот лидер Хуан Гуаидо, кој се прогласи за привремен претседател, да ја напушта земјата, а тој повикува на нови протести.

Европскиот Парламент денеска го призна Гуаидо за претседател на Венецуела.

 

Коронавирус